現年64歲的孟海是香港知名演員、導演及武術指導,童星出身的他曾客串李小龍電影《龍爭虎鬥》,1985年憑《皇家師姐》奪得香港金像獎最佳男配角獎,並先後7次獲得提名金像獎最佳動作指導獎,可謂周身刀把把利。孟海這日罕有接受港台《一起走過》主持人楊紹鴻、文頌嫻訪問,分享李小龍鏡頭後的秘聞,及當年同女打星羅芙洛(Cynthia Rothrock)分開的原因。
同場加映:星格BOSS丨《愛回家》林浩文疫市中環開餐廳 森林系主題望Chill住重振夜生活
孟海小時候家住調景嶺,跟已故動作演員惠天賜是街坊,7歲時經對方介紹下拜刀馬旦粉菊花師傅為師學習京劇,他說:「師兄弟有林正英、尊龍、董瑋同楊盼盼。(陳寶珠同蕭芳芳是師姐?)我哋去到時佢哋已經紅咗,我哋去學嗰陣先7歲…,當年有畀師傅打過,打到七彩,用好粗嘅藤條打,師傅請咗好多阿Sir返嚟教,專門教我哋,因為佢哋係武行出身,被佢哋打得仲勁,師傅係女人,打極都有限。」他指當年趁師傅去星馬泰表演時偷走回家,事後師傅3次由尖沙咀去調景嶺,請求孟媽媽讓兒子回去學校,結果被誠意打動,再加上本上又喜歡學京劇,於是又再回去學藝。
最打得美魔女︳65歲羅芙洛憑《皇家師姐》上位 同洪金寶在電影中「隻揪」【下一頁】
提到同一代巨星李小龍合作,孟海稱小時候很喜歡睇劇集《青蜂俠》,視李小龍為偶像,記得有次坐巴士回學校,見到李小龍同小麒麟做完TVB訪問後在彌敦道行,開心得在巴士上大叫李小龍。至於當年有份拍《龍爭虎鬥》?孟海說:「係佢叫我客串,只係幾個鏡頭,仲特登畀個特寫近鏡我,佢同正英講『聽日嗌條𡃁仔嚟客串』,就拍咗嗰個特寫鏡頭。(聽聞李小龍有幾個御用替身?)冇,只係元華一個,只係替打筋斗。佢話剩係唔識打筋斗,我話『龍哥,你識打筋斗仲得了,又讀書又練功,仲要識打筋斗,你邊有時間呀』,佢就話『咁又係,咁又係』。」
【林正英師弟】孟海入行多年經常被錯認為元彪 62歲無走樣派簽名相粉絲爭住要【下一頁】
孟海指當年李小龍出手又快又勁,林正英是專責做石堅替身,演被一腳踢飛的鏡頭,「係冇用威也拉嗰啲,威也都唔夠佢快,成班人要用塌塌米去接住正英,我哋都接唔到,勁到咁!(武師好易受傷?)拍攝時要用護墊,出街見到打嗰啲都穿崩,佢係驚打到你,打中實打死你,現場一叫roll機,佢就舉手講『各位兄弟,千祈記住唔好衝前』,實講呢句對白,roll機後就聽到風聲,聽到佢啲拳風聲,令你雞皮豎起,所以武師試戲時好似衝到好前咁,到正式時聽到拳風聲,都未到位已經畀反應走咗去,都畀唔啱反應。(試過有人中招?)韓英傑喺《唐山大兄》有幕瞓喺地下死咗,佢反應望錯咗方向,只係撞一撞,龍哥其實已經收咗手,佢隻牙就甩咗出嚟,如果中正就不得了。」
(↓點擊放大睇圖片↓)
- {{hket:inline-image name="Image07.jpeg"}}{{/hket:inline-image}}
孟海入行多年絕少緋聞,跟羅芙洛的一段情最為人所談論,女方當年被洪金寶睇中拍戲,孟海知道吳思遠已簽約旗下,因此很快被安排來港拍《皇家師姐》。問他是否一見鍾情?孟海說:「邊有咁多情,日日開工對住,日日教佢做戲。(一齊幾多年?)5年幾,唔係一見鍾情,《皇家師姐》拍咗6個幾月,日日開工,全靠楊紫瓊做翻譯,教佢講對白、走位、教戲。(為對方去學英文?)冇,就係同佢哋兩個學,講講吓就識,開頭佢同我講請中文老師畀佢,跟國語老師學咗2、3個禮拜都唔得,就搵咗個廣東老師,學咗1個月都係唔得,就話不如你學英文算啦,咁我就學英文。(為何分手?)佢係都要結婚,嗰時我只得26歲,對我嚟講梗係唔得,一結婚就要去美國,佢一定要返美國,後來佢都係美國繼續拍戲,佢都有叫我去拍,有澳洲同其他地方,我就一部都冇接過,因為嗰時唔係好想。(有否後悔放棄外闖機會?)梗係冇,點會後悔。」
【十八年後的終極告白】孟希璘原來係出身武打演員世家 15歲患風濕隱疾連刷牙都有困難【下一頁】
如今孟海已婚多年,他透露太太不是圈中人,女兒今時今日已經16歲,就讀中四。追問他會否復出拍戲?孟海笑說:「會,但幕前就唔好搞我。」其實早幾年孟海曾為港台拍劇,2014年拍過《同里有親》,拍檔有錢小豪、冼色麗、狄易達及童愛玲等,之後又客串演出《獅子山下2016》第7集,同場有鄭敬基同郭慧,至近年才較少幕前工作。
撰文:梁榮達
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】